"Parfümer" olacağam axırda. Yox, qatil anlamında deyil, ətir qoxuları arasında xüsusi bir qoxunu axtarmaq anlamında. Bugün yenə piyadaların çox , nəqliyyatın da canlı olduğu bir yerdən keçdim, aram addımlarla. İnsanlar aralarından ruh kimi keçdiyimin fərqinə varmadılar.Ya da mən onları sezmir, xüsusiliklərini ətirləriylə təyin etməyə çalışırdım. Əslində, mənə onların ətri lazım deyildi. Məni hava boşluğuna düşürən və asvalt yolda bir-birinə imkan verməyən maşınların arasından gözübağlı keçirən xüsusi bir ətir axtarışında idim.
Şəhər mənə bahalı siqaretlərin yaydığı tüstünün ucuz siqarət qoxularıyla dəyərsizləşdirildiyini, keyfiyyətli ətirlərin yaşatdığı həzzin ucuz və tər qoxusuna bənzər qoxularla basdırıldığını hiss etdirmək istədi. Sheikh, Moschino, Gucci, Parlament, Sobranie, Captain Black və s. kimi sanballı adlar şəhəri tərk etmişdilər sanki. Yerlərini "made in China"cümləsi doldurmuşdu. Mən də gözlərimi açdım və səni axtarmadım. Qoxunu axtarmadım. Ətrini axtarmadım. Darıxdığımı unutmamaq üçün yenə də ruhumu qulaqcıqlara təslim etdim. Qaçdım yenə də. Reallıqdakı axtarışımdan qaçdım.
No comments:
Post a Comment