#Sarı Qeyd 2:
Sanki vidalaşıb getmək üzrə olan amma bəhanə tapıb ev sahibiylə qapı ağzında söhbəti uzanan qonaq kimiyəm. Əsl səbəb – görmədiyim ev sakinlərindən birini görmək ümididir. Bəlkə gələr? Bəlkə görmədən getmərəm? Amma bir ayaq içəridə, bir ayaq çöldə və qərar verib getmək lazım ikən, ümidin səsini qaldırması heç doğru deyil. Yoxsa ele doğru olan odur? Bəlkə ən çox səbr tələb edən ümiddir? En az diqqət görərərək küsüb gedən də ümiddir bəlkə? Bəlkə doğrularımıza xəyanətin səbəbi onları bizə fani göstərən yalanlardır? Fanı həqiqət və yalan. Sizə elə gəlmir ki, bu iki anlayış mövcuddur? Fani...Həqiqət...Yalan... Bəlkə belə bölünür?
#Sarı Qeyd 3:
"Uzun sözün qısası" dövründəyik. Məsələn, hisslər uzun-uzun anlatılsa -bekarcılıq, fikirlər uzun-uzun açıqlansa-filosofluq, hərəkətlər uzun-uzun nəql edilsə-özündənrazılıq adlandıracaqlar. Müasir zəmanənin kamil insanlara şüuralti məsləhət gördüyü tək cümlə: mənəvi paylaşım ehtiyacınızı içinizdə gizlədin. Amma maddi paylaşımlarınız varsa, onlar bunun əleyhinə olmaz.#UzunSozunQisasi-deyənlərdir onlar.
No comments:
Post a Comment