Məndən uzaq durun bir az

Məndən uzaq durun bir az,
Mən yaxından görünməzəm.
Siz ağlarkən gülərmişəm,
Siz gülərkən gedərmişəm.
Çox qəribə nəfərmişəm.
Mənlərimdən uzaq durun,
Düşünürdüm bölünməzəm.
Sən demə min nəfəmişəm,
Ürək-ürək gəzərmişəm,
Çatlar açıb itərmişəm.
Məni ondan uzaq tutun,
Düşünsün ki, sevəmmərəm.
Könüllə əylənərmişəm,
Boşluğunda üzərmişəm,
Xəyanətlər edərmişəm.
Məni məndən uzaq tutun,
Özumlə yol gedəmmərəm.
Mən özümdən küsərmişəm,
Həyatımı süzərmişəm,
Niyə gəldim deyərmişəm.