Gözlərimdə
tətikmi var?
Çəkən
çəkir özün vurur.
Ürəyimdə
ələkmi var?
Düşən
düşür, qalan qalır.
Gələcəkdə
çarəmi var?
Hər
fərari orda durur.
Keçmişin
bir dərdimi var?
Mən
qaçdığım yolda durur.
Yad
ürəkdə nə sehr var?
Yalnızların
boynun burur.
Xeyrimizdə
nə xeyir var?
Şər ocağın içdə qurur.
Şər ocağın içdə qurur.
Gedişində
nə qüvvə var?
Məni
məndən alır itir.
Gəlişində
nə hiylə var?
Gəlir
ağlı alır, gedir.
Yüngüllüyə
meylimi var?
İnsan
yükün atır gedir.
Cismin
atır, başqa nə var?
Vəfasın
da alır gedir.
Ürək, dilə nə gərək var?
Söz oğrayır, dinə bilmir.
Qürur, sənə nə gərək var?
Əl uzanır, ayaq getmir.
No comments:
Post a Comment