Laylanı unudan qulaqlarımda,
Səsinin avazı
dolanacaqdır.
Həsrətim
keçmişə boylanan anda,
Saçımda sığalın
canlanacaqdır.
Ürəyim böyüyüb
yada qaçanda,
Sevgisi,
sevginə çatmayacaqdır.
Mənə “Ana” deyən övladım hətta,
Sənin qədər
mənə yanmayacaqdır.
Bir tikə
çörəyin, bir çimdik duzun,
Ödənməz haqqını
aşmayacaqdır.
Ay Ana, bu uşaq
qocalanda da,
Dizinə həsrət
bir baş qalacaqdır.
No comments:
Post a Comment