Ağlama,
üzərəm əlimi yazdan,
Köçərəm
payıza, qışa qar ollam.
Ağlama,
sözümü kəsərəm sazdan,
Köçərəm nəğməyə, xoş avaz ollam.
Gülümsə,
gücümü alaram nazdan,
Leysana
çevrilib, gur yağış ollam.
Gülümsə,
olaram tarixə dastan,
Bizi sənsiz
anıb, yaşamış ollam.
Ağlama,
şikayət etmə payızdan,
Yağışın
hər damla suyu mən ollam.
Ağlama,
yox etmə məni yanaqdan,
Gözünü
siləndə mən də yox ollam.
Gülümsə,
oxuyur aşiqin eşqdən,
Dinləsən,
qəlbində istilik ollam.
Gülümsə,
titrəyir yer özü səsdən,
Dinləsən, cazibə qüvvəsi ollam
No comments:
Post a Comment