Mərmisi beynimi dağıdır mənim.
Bu qədər yarayla mən necə sevim
Ey soyuq silahlı qəddar qatilim?!
Səmada parlayan daşlara baxdım,
Sayrışdı gözümdə ulduz adıyla.
Qonur gözlərinə doya bilmədim,
Öyrətdi nifrəti sevmək adıyla.
Hər anın öz hökmü, dedi böyüklər,
Hakim olmasam da, məhkum edildim
Hakimin adildir, təkrar etdilər,
Məhkəmə qapısın tapa bilmədim.
Günəşə qürubda, Aya zülmətdə,
Gözünü dörd açıb seyrə dalan var.
Saralmış hisslərin oxşayan yerdə,
Ürəkçün nə payız, nə də xəzan var.
No comments:
Post a Comment