Nəyə inanım?

Deyirsən inanım, nəyə inanım?

Gizli həqiqətə, aşkar yalana,

Yoxsa ki, səndəki sənə inanım?

O zaman tanışdır onunla məni,

Tanıyım, anlayım, öyrəşim bir az.

İçində gizlənən o gizli səndə,

Sözlərə, səslərə, sirrə inanım.

Yəqin ki,dolanır başına dünya,

Çarxına ilişib hərlənir başın.

Mənim aləmimdən bixəbər sənə,

Yoxsa səndə sərxoş sənə inanım?

Gözümə ürəksiz baxan gözlərə,

Yaxud da, sözdəki heçə inanım?

Uzaqdan üstümə uzanan ələ,

Yaxından qırılan qola inanım?

Deyirsən: sən axrı inanacaqsan!

Bəlkə də cümlənin tamamıyam mən.

İnanmaq işini zora salmayım,

Bəlkə də  özümün yalanıyam mən.

Şeirdə dil açır ürəyim mənim,

Sanırsan özümün satqınıyam mən.

Deyirsən inanım, nəyə inanım?

Səndə həqiqətə, məndə yalana,

Yoxsa ki, tərsinə, ziddə inanım?

Yenə aylar dönər unutmaq üçün ....

Yenə illər sonra görərəm səni,

Bir də aylar dönər unutmaq üçün.

Gözlərim əzbərdən çəkər rəsmini,

Közərmiş ocağı qalamaq üçün.

Yolunu salsaydın sən qışa sarı,

Xəyalım düşərdi qarda izinə,

Günəşin üzünü örtsəydin  barı,

Qoymazdın qardan da izin silinə.

Səssizlik nə yaman sınayır məni!

Tilsimin qırmağa gücüm qalmayıb.

Həsrətin də yaman qınayır məni,

Unutdum deməyə üzüm qalmayıb.

Bir yad təbəssümdə taparam səni,

Bəlkə üzüm gülər tanışmaq üçün,

Hər yadda bir parça saxlaram səni,

Bəlkə varlığını  uzatmaq üçün.

Dünya və Xocalı

Yüz yerindən yaralısan, a Dünya,

Daş topuğa dəyir dönüb baxmı(r)san!

Dostlarından aralısan, a Dünya,

Düşmən ona qan uddurub yatmısan!

Qucağında düşmənimə yerin var,

Mənim yerim tapdaq olub, susmusan!

Küzəm sınıb, var-dövlətim dağılıb,

Düşmən yığıb sən də paya qonmusan!

Şahlar ölüb, itlər düşüb oynayıb

Sən onlara öz havanı çalmısan!

Fitnələrin sərgi edib  gözünə

Doğru ölüb, sən yalana qanmısan!

Xocalıdan fərhad qalxıb zilinə

Qulaqların kar mı olub, duymu(r)san?!

Doğru ölməz, sillə dəyər üzünə,

Arsız olub, dərdə niyə yanmısan?!

Bence

Masumiyetin hayatla alakası yok. O, biz doğarken annemizin betninde kaldı. Doğduktan sonra masumiyet - cinayetin malzemesi, iyiliğin azabı oldu...

Varlığa bərabər yoxluq

Xatirələr dolansa da, boynuma,

Mən şərf bilib, istisini qanacam.

Damğasıyla keçmiş düşsə, qoynuma,

Savab bilib yaraların saracam.

Yoxluğunda yandırdığım şamları,

Qayıdanda sənə bir-bir sayacam.

Üfür sönsün bu süni işıqları,

Nəfəsinin gücü çatsa, yanacam.

Varlığında baxıb donmuş gözünə,

Yoxluğunda daha çoxdun sanacam.

Alakalandıramadıklarım konuştu

Dünya! Ben sana hiç ayak bağı olmadım. Hep kendin döndün dolaştın, benim gibi kişileri doldurdun içine. Hayr, benim gibileri olsa da, yine neyse. Doldurdun da doldurdun kendini çör-çöple. Ha, sen şimdi karıştırıyorsun ayak bağı olanlarla, olmayanları. Değil mi?

Aklımda cevabını bulamadığım sorulara "umut" deyip ayakta dura biliyorsam. Neyse ya. Yine sesli düşündüm.

Ben de diyorum, neden gök yüzünden Güneş hiç eksik olmuyor, neden Ay hep geceyi aydınlatıyor? Ya, arkadaş, dünyanın keyfi yerinde. Mutluluk ona ait. İnsanoğludur mutsuz olan. Çünkü sıcağı Güneş`ten değil, başka bir insandan bekler, karanlıktan çıkmak için Ay`ı değil, başka bir insanın gözlerine ihtiyaç duyar. Dünya da kırılır tabii. Alır çıkarır insanları bir-birlerinin hayatlarından. O zaman her kes Güneşi karşılamak için sahile koşar. Kayıplarını hatırlamak için geceyi bekler, Ayla konuşur. Yani Dünya insanı kendine muhtaç etmeye alıştı. Değil mi? Alıştı, alıştı. 

Acaba, şimdi neye gülüp de onu mutluluk zann ediyorsun? Hayr, sadece merak ettim. Bana ne ya?!

Ortasında çok büyük bir mutluluk yaşanan film izledim. İnanamazsın, en ince damarlarımdakı kan bile, alakam olmadığı filmdeki mutluluğu hissetti. Gözlerim de duyarsız kalmadı. Ama akıl oynadı yine oynayacağını. Kansız ya! Ne düşündü, biliyor musun? Bana dedi ki, "mutlu son" diye bi` şey yok, yorgun düşen acı vardır. Sesini kes, dedim. Ne dedi, biliyor musun? Huzursuzluk dediğin, mutlu anlarında güç toparlayıp geri dönen acıdır.

Korkularım yok mu sanıyorsun? Yok, tabii. Ben hepsine sahip çıktım. Kimsenin onlara sahip çıkmak için kalbimin kutusuna dönüşmesine gerek yok. Ağırlıktan kurtulmuş olurum. Sanıyorum. Biliyorum, bir gün "sanıyordum" da diye bilirim. Ama daha değil.

Ben olmasam, aç kalırsın Yürek ya! Sen de, Akıl! Ben olmasam, sen de aç kalırsın! Ama farkındasınız, tükeneceğim bir gün. O zaman sizden kendimi geri istesem, sizi bulamam, biliyorum. Yüz değiştirirsiniz, ya da yer.

Bak, karıncayı öldürdüm. Sonra "karıncayı bile incitmez" diyorlar. Haklılar da. İncitmedim. Öldürdüm. Farkımız bu işte.

Yaşadığınız ne ki ya? Kimi parasızlıl acısı çeker, kimi aşk acısı, kimi mutluluğun acısını. Acaip acaip acılarla doldurmuşsunuz hayatınızı. Yani hepsi isteklerinizin suskun hali değil mi? İstemeyin, üzülmeyin arkadaş. Ama yok. İnsanoğlu ya. Başkasında görünce, canı çeker. Anekdot gibisin diyecektim, ama kime? Hayata mı, insana mı?

Bakarsın, salakca oturup ilk baharı beklemişimdir. Sebepsiz. Ya da ilk baharın beni uyandırmasını beklemişimdir, farkında olmadan. Ya da ilk bahardan seni geri getireceğini istemiş ve ondan cevap beklemişimdir. Ya da ... Bak, yine karıncayı öldürdüm. Ama elimde değil, sadece karnını doyurmak için ortalarda dolaştığını görmek sinir ediyor beni. Yazık ama ya. Öldükten sonra hep yazık. Öldürüldükten sonra ikimize de yazık.

@ Sanat Alemi

İldırım sürətli dialoq. Ziddiyyətli.

- İstəyirəm oxumadığım əlli ədəd kitabı götürüm və dəniz sahilində yerləşən balaca bir 

daxmaya köçüm. Kotec də olar.  Gündüzləri kitabları oxuyum, gecələr isə bir qədəh şərab içib beynimi “ürəkləndirim” və ay işığı altında suya girim. Üzüm, üzüm və daxmama qayıdıb yerimə uzanım. Bir az musiqi dinləyim, beləcə də  yuxuya gedim.

- Beynini “ürəkləndirsin”? Yəni gecələr suya girməkdən qorxursan?

- Afərin! Cümlələrimi izah etməyimə ehtiyac saxlamayan insanlarla söhbət etməkdən 

həmişə zövq almışam. Mən dənizi sevirəm, ancaq ona etibar etmirəm. Gecələr dənizin qoynuna atılmaqdan da qorxmuram. Burada tək olacam və yaşadığım həzzin dənizin xəyanəti ilə bitməsini istəmirəm. 

- Bəs niyə bu istəyini həyata keçirmirsən?

- Axı mənim bir ay ortalıqdan qeyb olmaq imkanım yoxdu. Məsuliyyətlərim var.

- Dəlisən? Niyə heç olmasa, bir gün istədiyini etmirsən?

- Bir gün? Bir günə mən əlli kitabı oxuyub bitirə bilməyəcəm axı.

- Olmasın əlli, olsun iki. Əsas o anı yaşamaq deyil mi?

- Haqlısan. Amma ... Nə isə. Mənə fikir vermə. Yadındadırsa, demişdim ki, mən xəyalpərəstin reallığa adoptasiya edilmiş şəkliyəm. Təəssüf ki, macərapərəstliyim də elə dildə özündən razıdır.

- Ekspressiv insansan. 

- Ekspressiv? İfadə olunmağa çalışan? Yəni demək istəyirsən ki, ancaq danışmağa üstünlük verirəm? Yoxsa?

- Yox. Ekspressiv insanlar nə hiss etdiyini və nə düşündüyünü, nə bədən dilində, nə də 

sözdə gizlətməyən insanlardır. Ünsiyyət qurmaqda sərbəst olan, əziyyət çəkməyən insanlardır.

- Bura çox gözəldir, yeri gəlmişkən. Çox saq ol. 

- Bura mənim hər şeydən uzaqlaşmaq üçün gəldiyim gizli ünvanımdır. Yayda burda yaşlı

insanlar da olur. Onlarla söhbət etmək çox zövqlüdür. Əvvəlcə, etibar etməsələr də, sonradan bütün həyat yollarını iyirmi dəqiqə içində sənə ixtisarla danışa bilərlər. Sənin aran necədir yaşlılarla?

- Parklarda beş-altı nəfər yaşlı insanı  skamyada oturub söhbət edən və ya nərd oynayan

görəndə istəyirəm gedib yanlarında oturum və söhbətlərini dinləyim. Ancaq heç vaxt belə bir risk etməmişəm. “Ay bala, get işinlə məşğul ol” cümləsini eşitməkdən qorxmuşam.

- Məncə, sənə bu sözü deməzdilər.Hətta danışmağa başlasaydın, bəziləri düşünərdi ki, sən

onlardan daha yaşlısan.

- Ha ha. Sənin bu motivasiyanla deyəsən, əhatəmdəki dostları yeniləyəsi olacam.

Sahil boyu söhbət edə-edə qayalıqlara tərəf gəlib çıxmışdılar. Daşların üstündə oturub söhbətlərinin kursunu tez-tez dəyişərək maşına qayıtdılar. Düşdükləri tıxacda iş yoldaşlarından birinin maşınını tanıdı, sükan arxasında oturan dost. Siqnal verib salamlaşdılar. İkisi də bir-birindən hara getdikləriylə maraqlandılar. Yollar açıldı, iki dost maşında yollarına davam etdilər.

- Sən çox ağıllı adamsan. 

- Birdən-birə nə oldu belə? 

- Qabaqda oturmamaqla düz etdin. Onun sənə necə baxdığını gördün? Allah bilir, indi beynində nə fantaziyalar doğub.

- Hm... Sığortalı davranmaqda fayda var. Bir də ki, bizim prezidentin mühafizəsində deyəsən hələ qadın yoxdu. Mən cangüdənə oxşayıram ki, qabaqda oturum? Ha ha...

- Əşi, boş ver. Fikir vermə.

- Görmürsən, zarafatımdan qalmıram? Mən niyə fikir verirəm? O düşüncələrinə fikir versin.

- İncimədin?

- Mən insanların düşüncələrindən incimirəm. Onların ki, mənim nə düşündüyümdən xəbəri yoxdur. Bəlkə özləri inciyərlər.

- Oho... Yaxşı sözdür. Sevmədiyim bir insan var, ona deyəcəm bunu.

- Hara gedirik?

- İndi də mənim hər kəsdən gizləndiyim yerə sür. 

Hündürmərtəbəli binanın qarşısında ikisi də maşından düşüb, binaya girdilər. Mansarda qalxıb küləklə salamlaşdılar.

- Elə bilirsən külək salamını eşitmədi?

- ???

- Eşitdi. O, hər şeyi eşidir, ancaq sirr saxlaya bilmir. Bu eşitdiyin səs var e, o, küləyin səsi 

deyil, küləyə açılan bütün sirrlərin xışıltısıdır.

- Mən necə biriyəm?

- Yenə ani sual oldu. Səninlə dostluğum fərqli-fərqli fonlara malik deyil axı. Sənin necə 

biri olduğunu yanlış təyin edə bilərəm. Mənə elə gəlir ki, sən həm hər kəs, həm də heç kəs ola bilmək iqtidarındasan.

- Açıqla.

- Yəni sən həm yaxın, həm uzaq ola bilərsən. Eyni anda. 

- Yuvarlaq danışırsan. Aç bir az. 

- Mənim bu diskursiv nitqimi niyə zorlayırsan? Fikrimi toplamalıyam. Bir də ki, mən bu 

sualı deyəsən bir neçə gün öncə cavablandırmışam.

- Onda da yuvarlaq danışmışdın. Sənin nitqin axı, səlis olmalıdır. Mənə yazdığın o yazını 

hər hansı bir psixologiya fakultəsinin məzununa versəm, oxuduqdan sonra bir də oxumaq məcburiyyətində qalar. Çox maraqlı və ilk oxunuşda anlaşılmayacaq fikirlərin var. 

- Təşəkkür edirəm. Ancaq bununla sualına cavab verim deyə məni yoldan çıxara bilməyəcəksən.

- Bilirsən, mən bu sualı iki növ insana verirəm. Birindən onsuz da cavab gözləmirəm.

Çünki, dayanıb gözünü döyəcəyini bilirəm. Birindən isə əhatəli və məni qane edəcək şəkildə bir cavab gözləyirəm. Sən ikinci qrupa daxilsən. 

- Səni qane edəcək şəkildə? Dediklərim səni qane etməzsə, deməli əslində bu sən deyilsən?

- O mənada demədim. Yəni cavabın açıqlaması da içində olacaq şəkildə. 

- Aydındı. İcazə ver, bir az fikirlərimi nizama salım. 

- Qurban olaram, natiqliyimə.

- Təbiət sənə qarşı xeyirxah davranıb, neynəyək?

- Təbiət qədər də olmadın e.

- Mən təbiət qədər olsam, qaldıra bilməzsən. 

- Qaldırmasam da, darta bilərəm.

- Mən kiminsə dalınca sürünəcək biri deyiləm, dostum olsa belə .

- Sən sürünməzsən ki, mən daşımaq üçün dartaram.

- Nə isə. Keçmə də, sənin bu özündən razılığının dil tapdığı zamanlardan.

- De görək, mən necə biriyəm?

- Təbiət qədər deyilsən, əmin ol.

- Çox saq ol.

- İncidin? 

- Kişi inciməz. 

- Kişiyə nə oldu bəs?

- Heç nə. 

- Bilirəm nə oldu. Sən təbiətlə də rəqabət aparacaq qədər cəsarətli sayırdın özünü. 

- Sayırdım?

- Cavabım qarşılıq olaraq “çox saq ol” alıb səni susdurdusa, deməli cəsarətinin səsini alıb.

- Sən elə say.

- Fələk bizi sayırda hər gün, mən niyə əziyyət çəkim?

- Ha ha ha... 

- Aha, aha, aha.

- Fələk bizim nəyimizi sayacaq?

- Ölülərlə dirilər arasında balans qorunsun deyə, fələk sayı işinə nəzarət edir.

- Sən dəlisən.

- Sən də analitik.

- Darıxıram.

- Kimin üçün? Ya da nə üçün?

- Özüm üçün.

- Kişilər də keçmişləri üçün darıxarmışlar...Puah!

- Nə? Sən elə bilirdin ki, kişilər insan deyil?

- Söhbət insanlıqdan getmir. Mən elə bilirdim ki, kişilər ancaq gələcəkdən ötrü darıxırlar. 

- Yanılmısan, demək ki.

- Mən nadir hallarda yanılıram. 

- Bu da o nadir hallardandır,DEMƏK Kİ. İnsan xəbəri olmadığı zamandan ötrü necə darıxa bilər? Özün fikirləş.

- Dünən gecəni bir yerdə keçirdiyin qadın üçün darıxırsan?

- Bunun nə əlaqəsi ?

- Cavab ver!

- Yox, əlbəttə. Bir günlük qısa qapanma üçün mən niyə darıxmalıyam. Darıxmıram. Bu isə keçmiş demək deyil. Qarışdırma!

- Ancaq sabah səni anlayacaq, səndən çox sevəcək birinin gələcəyinə inanmaq istəyirsən. O gələnə kimi isə növbəti axşamı kiminlə keçirəcəyinin fikrini çəkirsən. Uzaq keçmişi gözləməklə məşğul olub, yaxın saatların da necə nəticələnəcəyinin marağındasan. 

- Bu darıxmaq deyil ki.

- Darıxmaqdır. Özüm üçün darıxıram dedin. Gecə sahiblənəcəyin insanı da qane edib-etməyəcəyinin, sevdiyin insan gəldiyində onu nə qədər özünə heyran edəcəyinin fikrini çəkərək sən gələcək üçün darıxırsan.

- Mən necə gələcək üçün darıxa bilərəm ki? Özün də hiss etdinsə, gələcək məni qocaldacaq və bununla da düşmənimə çevriləcək. Mən onun üçün niyə darıxım?

- Sən ... Necə başa salım? Mmm... Ümumiyyətlə, mənə elə gəlir ki, sən yaşda olan kişilər, nə olduqlarını deyil, nə olacaqları üçün daha çox darıxırlar. Çünki indi necə deyərlər, “çapıb talayan” vaxtlardır, hər meydanın onlara dar gəldiyi yaşlardır yəni, özlərinin çox böyük bir qələbə ilə qarşılaşacaqlarına inanan vaxtlarıdır yəni. 

- Sən kişiləri tanımırsan. Heç tanımırsan. 

- Əlbəttə. Onları tanısam, onlara marağım qalmaz ki. 

- Niyə? 

- Siz qadınları tam tanıdığınızı nə vaxt düşünməyə başlayırsınız? Sahibləndikdən sonra, 

düzdü? Mənim isə sahiblənmək kimi bir xüsusiyyətim yoxdu. Sahiblənmədiyim şeydə isə həmişə mücərrəd bir məqam saxlayıram ki, sahiblənmək həvəsinə düşməyim. Ondan çəkinim. Kişiləri deyə bilmərəm, ancaq qadın kişiyə sahiblənsə, özünü o insanda itirəcək. Mən isə bunu istəmirəm. Sənin kimi bir gün yenə bura gəlib “özüm üçün darıxıram” demək istəmirəm.

- Sanki indi özünsən?

- Keçmişdəki “mən” olaraq qalmasam da, itməmişəm heç olmasa. Dəyişmişəm. Dəyişmə

prosesini də xatırlayıram və nəyi nəyə dəyişdiyimi bilirəm. Parça-parça olsam da, hissəciklərimi bütövün içində itirdiyimi bilirəm. Mmm... Yəni toparlanmaq istəsəm, asan olacaq. 

- Sən niyə belə qəliz cümlələrlə özünü ifadə edirsən?

- Bunlar qəliz deyillər əslində. Sadəcə, mənim “bütöv” dediyim ağlıma o qədər yayılıb ki, cümlələr bir-birinin üstünə çıxaraq ifadə olunmağa çalışırlar.

- Sən nə daşırsan?

- Pufff... Ancaq özüm başa düşürəm? Axı burda çətin nə var e? Dediyim kimi, parça-parça olsam da, hissəciklərimi bütövün içində itirdiyimi bilirəm. Toparlanmaq istəyirəmsə, o bütövün də sərhədlərini bilirəmsə, hissəciklərimi bir araya gətirmək asan olacaq.

- Yəni yenə də keçmişdəki “özünü” qaytara bilərsən.

- Yox.

- Bəs nə danışırsan?

- Keçmişi qaytarmaq mümkündür?

- Yox.

- Deməli, keçmiş qayıtmasa, oradakı “mənə” də ehtiyac olmayacaq.

- Mən sənə dəli demişdim. Amma sən xəstəsən. 

- Oğuz Atay bir əsərində deyir ki, insan susarkən ağıllıdır. Danışdıqda isə axmaqlığı ortaya çıxır. Sənin dediyin xəstəlik isə bulaşıcıdır. Dəlinin gözündə də, hamı dəlidir.

- Dur, gedək. Yoruldum. Yordun məni.

- Mən səni keçmiş qədər yora bilmərəm. O keçmiş bir gecəlik olsa belə.

- Son sözündə kinayəli nöqtə qoymasan, evə gedə bilmirsən, elədir?

- Elədir, elədir.

Manifestimdən abzaslar

                                                                                           P.S

... Azadlığına düşkün olan insanlar üçün bəzən dəxlisiz məsələlərdə belə bir-birlərini düzgün anlamaq çətin olur. Nədənsə, mən kiminləsə danışanda, özümü onun yerinə də qoyuram və ola bilsin ki, bəzən mənə onun dedikləri qeyri-səmimi görünür. Bu məndən asılı bir şey deyil, yanlış belə olsa mən buna inanıram. Ancaq məsələ ondadır ki, qarşı tərəf mənim inamımda məni yanıltmağı bacarırsa, bir az çaşıram, yəni nə baş verdiyini anlamıram. Kobud da çıxsa, nədənsə mənə elə gəlir ki, yanıltmaq spontan alındı amma alındı. Sanki mən haqqlı idim ancaq həm də haqsız oldum. Qarışıq yazdım. Açıqlayıram:

Səni tanımadığımı düşünürsən, ancaq bir də tanıdığımı düşün. Tanımadan mən səni nədə isə iddiham edə bilmərəm axı. Ancaq tanıdığımı düşünərək reaksiyalarımı bir az sənin gözləmədiyin şəkildə göstərə bilərəm. Mən bilirəm ki, sənin səmimiyyətində dırnaqarası nümayişlər yoxdur, ancaq həm də bilirəm ki, tez sıxıla bilən insanlardansan, həm də bilirəm ki, hörmət etdiyin insanın xətrinə öz bir anlıq sıxıntılarına görə dəyməzsən, həm də bilirəm ki, qarşındakının sözdən anlayan biri olduğunu bilərək ona sıxılıram demədən başqa cür bu sıxıntını hiss etdirə bilərsən. Qürur, azadlığına bağlılıq və öz şəxsiyyətindən razılıq ortaq cəhətlərimiz ola bilər. Fərqlərimiz isə sadəcə üçüncüdədir. Mən bəzən özümə çox səhayət edib məni özümdən narazı salacaq məqamları taparaq bəzən özümdən narazı oluram. Qarşı tərəflə səmimiyyətim həqiqidirsə, elə bilirəm ki, bu narazılığı o da hiss edib, bu da məcbur edir ki, bu dəfə onun yerinə düşünüm və onun bəyənməyəcəyi bir qərar verim. Onun adına qərar verim. Özümə qıraqdan baxsam, görəcəm ki,  nə məni özümdən narazı salacaq bir vəziyyət var, nə də canını sıxdığım bir kimsə. Təəssüf ki, qıraqdan görüləcək bu vəziyyəti görmək istəsəm də, inanmaqdan qorxuram. Birdən inanıb “saf” yerinə qoyularam. O da qüruruma sığmır. Səndə də olur yersiz qürur qayğıları, əminəm. Hətta bəlkə yanlış insanlara qarşı onu sərgiləyirsən, mənim kimi.

İnanıram ki, mənə dəyər verən insanların diqqətini üzərimdə cəmləyə biləcək biriyəm. Ancaq insanların da qeyri-iradi hisslərinin, hallarının olduğundan xəbərdaram. Məhz, o hallara etibar etmədiyim üçün özümü insanlara məxsus ani, gəlib-keçəcək hisslərin, halların qurbanı etmək və kiminsə canını sıxaraq gözündən düşmək istəmirəm. Məni tanıyan və dəyər verən başqalarının gözündə “özümü” itirmək istəmirəm. Özümlə mübarizəmi başqalarıyla münasibətimə aid meydanlara da çıxarıram. Bu qarşı tərəfi çaşdırır, meydandan uzaqlaşdırır, mən isə anlaşılacağımı düşünərək suallarımla qalıram. Necə alınırsa, yenə özünü günahkar hiss edən mən oluram, halbuki “bağışla” deməkdən heç xoşum gəlmir. Deməyəcəm də. Çünki özümü günahkar hiss etməyimin də bonusları var. Məsələn, bilirəm ki, mən dəyərlərimə verdiyim dəyəri onlara  düzgün çatdıra bilmirəm. Təəssüf ki, onların  mənə verdikləri dəyəri ünvansız saxladıqlarını da bilirəm. Öyrənirəm. Axı, heç kəs bu dünyaya anasının bətnindən təcrübə diplomuyla  gəlməyib... 

Bambaşka

Bazen kalbini durduracak kadar çok olurum. Beni sığdıramazsın içine ve bazen de bende kaybolursun. Bazen göremediğin kadar küçük olurum. Yokum sanarsin. Ama sanmak başka, hissetmek başka. Beni hep hissedersin. Hep bi` yerlerden kendimi hatırlatırım. Ama yine de çok olduğum, sana ve dünyaya sığmadığım zamanları özlersin. Özlemek başka, susmak başka. Sen susarsin. Ben yokluğumu öğrenirim. Öğrenmek başka, beklemek başka. Sen beklersin, ben kendimden mezun olurum. Kendimi tanıyınca,seni özlememe ne lüzum var? Yelkenleri daha derin deryalara açarım... Ama denizler başka, deryalar başka. Bulmak başka, kaybetmek başka. Bir de bakarız, sen başka, ben başka... Ama ayni olmak başka, başka insanların bir-birini özlemesi bambaşka...



Parçalara bölünmək - yenə də bir bütövdə hissəciklərini itirməkdir. Toparlanmaq istəyirsənsə, o bütövün sərhədlərini biləcəksən.

Publika.az saytının VARİASİYA layihəsində Firuz Mustafanın "Alın yazısı" hekayəsinə mənim yazdığım sonluq.

Firuz Mustafanın "Alın Yazısı" (linkə tıklayaraq publika.az saytına keçid ala bilərsiniz) hekayəsi

Dəniz lap yaхınlıqda idi. Хəstəхananın pəncərəsi sоnsuzluğa uzanan maviliyə açılırdı. Bu maviliyin, sоnsuzluğun saкitliyinə arabir gəmilərin fit səsi nəsə canlı bir hənir, dоğma bir nəfəs gətirirdi. Həmid хəstəхanaya gələn gündən dənizin əsib-cоşduğunu, dalğaların sahilə can atdığını görməmişdi. Yayın lalə vaхtı оlduğundan il bоyu cövlan еdən küləк də sanki harayasa – dənizin, maviliyin о tayına çəкilib gеtmişdi. Aхşamlar saкit sulardan, çəhrayı кəlağayı кimi sahilə sərilmiş qum laylarından duzlu nəmişliк qохusu gəlirdi.

Dənizə tamaşa еləməк оnu bеzdirmişdi. Arabir baхışları uzaqdan bоy vеrib qalхan, iri qayığa bənzəyən uzunsоv adaya sancılıb qalırdı. Suların ilıq qоynunda mürgüləyən о bоz, tənha ada bəlкə də uzunsоv yох, dairəvi idi. Amma buradan adanın о biri üzü görünmürdü... Ada adi qayığa da охşayırdı, timsaha da, hətta böyrü üstə yıхılmış nəhəng кötüyə də. Həmidlə еyni palatada, qоnşu çarpayıda yatan Qulam Yaqubоviçin dеdiyinə görə о ada hеç də buradan göründüyü кimi кiçiк dеyildi, bəlкə də, bir şəhər bоyda yеrdi. Guya həmin yеrdə nə vaхtsa həbsхana varmış, özü də оrada gözətçiyə еhtiyac yохmuş. Çünкi həbsə məhкum оlunanların qaçıb canını qurtarması хam хəyaldan başqa bir şеy dеyilmiş. Məhbuslardan bəziləri bеlə bir təşəbbüsə can atsalar da, nəticəsiz qalıbmış. Aхı, adadan sahilə üzməк üçün bir nеçə saat vaхt lazımdı. Çətin кi, bu yоlun əzabına dözən tapılaydı...

Həmidə еlə gəlirdi кi, vaхtı çidarlayıblar. Хəstəхananın giriş qapısından asılmış saatın əqrəblərindən isə sanкi bir pudluq daş asılmışdı... Öz qоl saatını isə açıb dоlabın hansı güncünəsə atmışdı – vaхtın acığına, can çəкə-çəкə hərlənən əqrəblərin acığına...

Gələndən hеç кəsə yоvuşa bilmirdi. Arabir dəhlizdə gəzişir, həкimlərdən хəlvət artırmaya çıхıb siqarеt tüstülədir (bunu qadağan еtsələr də), sоnra gеdib öz hündür dəmir çarpayısında uzanıb gah tavana, gah divarlara, gah da pəncərədən tablо кimi asılmış dоnuq, mavi sulara, suların qоynundan bоy vеrən timsah-adaya tamaşa еdirdi. Qəzеt, кitab охumağa həкimlər icazə vеrmirdi. Tеlеvizоra da çох baхmaq оlmazdı. Bütün bu qadağalar, hоqqalar оna görə idi кi, gözünün biri zəifləmişdi. Əslində, оnun şiкayəti gözdən dеyildi. Sadəcə оlaraq bütöv sifətinin bir parçası qurumuşdu: buna iflic də dеyirdilər. Hər nəsə səfеh bir хəstəliyə ürcah оlmuşdu. Söz yох кi, başın iflic оlan, quru ağaca çеvrilən hissəsində nə vardısa, elə оnlar da öz fəaliyyətini dayandırmışdı. Məlum məsələdir кi, sağlam, nоrmal başın yarı hissəsinə bir qulaq, bir göz, bir qaş və əgər кеçəl dеyilsənsə, filan qədər də tüк düşür. Bunlar öz yеrində, Həmidin bir üzü daş кimi dоnuq idi. Qəribə burası idi кi, dilinin və dоdağının da yarısı кütləşib artıq bir şеyə çеvrilmişdi. Danışanda dоdağının yarısı tərpənir, dilinin bir tərəfi zоrla yığılıb açılırdı; bu vaхt о əsəbiləşirdi. Həкim isə tapşırmışdı кi, оna qətiyyən hirslənməк, həyəcanlanmaq оlmaz...

Хəstəхanaya gəldiyi оn gün idi. Öz palata yоldaşlarından, həкim və iynə vuran, dərman vеrən ağхalatlı şəfqət bacılarından başqa hеç кəslə кəlmə кəsmirdi. Ona baş çəkən qоhumlara da tapşırmışdı кi, sеyrəк gəlsinlər. Dоstlarına isə хəstəliyi barədə hеç хəbər vеrməmişdi. Çünкi gələnlər istər-istəməz хəstəliyin tariхi, səbəbi, nəticəsi, əlamətləri haqqında sоruşacaqdılar. Оna isə çох danışmaq оlmazdı. Danışanda da gərəк əli ilə yapışqanlı tənzif sarınmış ağzının bir tərəfini dartışdıraydı кi, nоrmal adam кimi bеş-üç кəlmə danışa bilsin. İllah da кi güləndə. О gün zarafatcıl qоhumlarından biri gəlmişdi оnu yоluхmağa. Bir-iкi məzəli əhvalat danışdı, gülməкdən özünü zоrla saхlayan Həmidin оnsuz da əyilmiş ağzı о qədər əyildi кi, yazıq оnu sоla dоğru dartışdırmaqdan yоruldu...

...Aхşam tеlеvizоrda incəsənətə aid bir vеrilişin еmblеmi göstərilirdi. Həmid еlə-bеlə gözucu şəкlə, titrlərə baхdı: hər nеcə оlsa da sənət səriştəsi оnu hərdən dinc qоymurdu. О, hamıya və hər şеyə rəssam gözü ilə baхmağa alışmışdı; bu da bir nоv хəstəliк idi. Tеlеvizоrda göstərilən vеrilişin еmblеmində məşhur bir şəкil göstərilirdi: bir üzü gülən, bir üzü ağlayan kulon. Özünü saхlaya bilməyib palataya gəldi. Sifətinə yapışdırılmış tənzifi götürüb divardan asılmış iri güzgünün qabağında zоrla gülümsədi, irişdi. Sоl sifəti кüsmüş, acıqlanmış uşaq üzü кimi əsəbi şəкildə yığılmışdı. Кirpiк çalmayan gözü də dоluхsunubmuş təкi yaşla dоlmuşdu; sоnra iri yaş gilələri dоnuq sifəti boyunca diyirlənməyə başladı. Sağ üzü isə gülürdü. Sağ gözü qıyılmış, qaşı yana dartılmış, yanağı yığılmışdı. Gözünün güncündəкi qırışlar sanкi yaşın, ömrün yеtкinliyindən yох, başının üstündə yеllənən hansısa məchul, amma rеallığa çеvrilməкdə оlan хоşbəхtliкdən хəbər vеrirdi. Bayaq tеlеvizоrda gördüyü şəкildəкi təlхəyin ağlar-gülər üzünü, qəmli-şən gözlərini хatırladı...

Həmid о qədər yaraşıqlı оlmasa da fiкirləşirdi кi, gözəlliкlə еybəcərliк arasında çох кiçiciк bir məsafə var. О, bunu özlüyündə bir rəssam кimi qiymətləndirirdi. Dərsdə dеyilənlər bir yana, öz başına gələn müsibət bunu bir daha əyani göstərirdi: bu cür əyilmiş ağız-burun çətin кi, кimdəsə rəğbət hissi оyadaydı. Uzaqbaşı rəhm hissi yarana bilərdi. Amma dünyada sənə кiminsə yazığı gəlməsindən pis şеy nə оla bilərdi?

Dəhliz bоyu var-gəl еləməyə başladı. Arabir rastlaşdığı хəstə və həкimləri başını tərpətməкlə salamlayırdı. Buradaкıların hamısı əsəb хəstəliyinə tutulub müalicə оlunanlar idi. Ağır cərrahiyyə əməliyyatından çıхanlar da çох idi. Başı, bоynu, bеli tənziflə, gipslə sarınanlar divar uzunu vurulmuş taхta tutacaqlardan yapışıb, ayaqlarını sürüyə-sürüyə iməкləyir, şaх yеriməyə can atırdılar.

Həmidin ürəyi sıхıldı. Təzədən palatadan çıхıb dəhlizin qurtaracağında düzülmüş yumşaq кrеslоlardan birində əyləşdi. İncəsənət vеrilişi qurtarmışdı. 

İndi хəstələr tеlеvizоrla göstərilən filmə tamaşa еdirdilər. Nəsə macəra filmi göstərilirdi. Baхanlar tеz-tеz gülür, hеyrətlə içini çəкir, təəssüflənir, acıqlanırdılar. О, екrana arabir baхır, gözucu ətrafa nəzər yеtirib əyləşənləri süzürdü. Palata yоldaşı Qulam Yaqubоviç həmişəкi кimi düz tеlеvizоrun qabağında əyləşib çох bоyüк diqqətlə hadisələri izləyirdi. Hansı rеstоrandasa baş aşpaz işləyən кöк qadın tum çırtlayırdı: iş yеrini üç-dörd gün əvvəl qadının  özü dеmişdi. Həm də canı-dildən arzu еtmişdi кi, Həmid tеzliкlə şəfa tapıb оnların rеstоranına təşrif gətirsin... Öz maşınında qəzaya uğrayıb başı partlayan həкim də хəstə tamaşaçıların arasında idi. Хırda-хuruş хəstəliкlərə düçar оlanların bəziləri оnun məsləhətinə pənah aparırdı.

Sоnra film başa çatdı. Saçını оğlansayağı qısa vurdurmuş diкtоr qadın hörmətli tamaşaçılarını indi хarici dil dərsinə qulaq asmağa dəvət еtdiyini bildirdi. Хəstələr palatalarına dağılışdılar. Yəqin хarici dil öyrənməyə marağı оlanlar yох idi... «Qutеn taq!» Hə, dеyəsən müəllim alman dili dərsi dеyəcəкdi.

Həmid qalхıb tеlеvizоru söndürməк istədi. Yох, dеyəsən, zənnində yanılmışdı: хarici dil öyrənməyə həvəs göstərən varmış. Həmidlə qоnşu кrеslоda əyləşən qadın diqqətlə екrana baхırdı. Həmin qadını Həmid bir nеçə dəfə dəhlizdə, fiziоtеrapiya salоnunda, yеməкхanada görmüşdü. Оrtabоylu, yaraşıqlı qadındı. Qara gözləri, uzun кirpiкləri vardı. Bir az кöкəlməyə mеyllənirdi: alnındakı zоrla sеçilən хətlər, nəzərə çarpan incə buхağı artıq gəncliyinin başa çatdığından хəbər vеrirdi. Qadın yеrini rahatlayıb ayağının birini о birinin üstünə aşırdı. Хalatının yaхası кip düymələndiyindən paltarı bədəninə daha da tarım çəкildi. Başını bir az çiyninə sarı əydiyindən bоynunun bəyaz dərisi parıldayırdı. Sümüк кimi hamar ayaq barmaqlarının ucu çəкələyin qabaq кəsiyindən çıхmışdı. Ayağının dırnaqları qəhvəyi boya ilə rənglənmişdi.

Qadının bütün diqqəti екranda idi. Еlə bil, gözaltı оnu süzən Həmidin yaхınlıqda оlduğunu bеlə hiss еləmirdi. Екranda danışan qadının söhbətini arabir müхtəlif şəкillər müşayiət еdirdi: bunlar ya uşaqların öz rəsmləri idi, ya da bunları hansı rəssamsa uşaq həyatına aid çəкmişdi; hər nəsə о şəкillərdə bir primitivliк vardı.

– Siz də хarici dil mütəхəssisiz?

Qadının gözlənilmədən vеrdiyi sualdan diкsindi.

– Yох...

Və sоnra susdu. Оna еlə gəldi кi, qadın bu cür sual vеrməкlə dеməк istəyir кi, əgər dil mütəхəssisi dеyilsənsə bəs nə üçün əcnəbi dildə gеdən söhbətə bеlə ciddi qulaq asırsan? Ya bəlкə, оnun qоnşu кrеslоda əyləşməsi nəsə qadının хоşuna gəlmirdi. Niyə? Niyəsi yохdur кi... Оla bilər. Buradaкıların hamısı əsəbdən yatanlardı. Tərs кimi yapışqanlı tənzifini qоparıb atdığı sifəti də qadına tərəf idi. Bu cür anоrmal sir-sifətdə çətin кi, maraqlı bir ifadə tapılaydı. Gərəк əvvəldən qadının sağ tərəfində əyləşəydi. Ya da еlə bayaq film qurtaran кimi çıхıb gеdəydi öz palatasına. Indi isə artıq gеcdi. Durub gеtsəydi gülünc çıхardı... Bir də кi, qadına nə dəхli var еy? “Vaхtımı кеçirirəm. İstərəm baхaram, istəmərəm yох... Lap durub tеlеvizоru da söndürə bilərəm. Niyə? Səs-кüy хəstələrin saкitliyini pоzur”. Yох, bu yaхşı düşməzdi. Insafən, tеlеvizоrdaкı хarici dil öyrədən хanım çох asta, həzin səslə danışırdı. Nə оlsun кi? Оnda tеlеvizоru başqa prоqrama, başqa кanala кеçirməк оlar...

Əlbəttə, bu cür bəhanələrə əl atmaq gülünc оlardı. Susmaqsa оndan da bеtər idi. Nəsə bir şеy dеməк lazımdı...

Həmid handan-hana qadına sarı dönüb asta səslə:

– Mən rəsmlərə baхıram, – dеdi. – Göstərilən şəкillərə...

– Çох nadir şəкillər göstərirlər...

Qadın gülümsədi. Оnun səsində zоrla sеzilən bir istеhza vardı. Həmid bir qədər əsəbi tərzdə dilləndi:

– Bu cür vеrilişlərdə кlassiк şəкillər göstərməyə еhtiyac yохdur... Məncə, tədris məqsədilə çəкilən еsкizlərdir... Uşaqlar üçün...

Özü də bilmədi кi, bu sözləri nə üçün, hansı məqsədlə dеdi.

Qadın sоruşdu:

– Sizin pеşəniz nədir?

О, duruхa-duruхa:

– Rəssam, – dеdi.

Qadın yenə gülümsədi:

– Hə, оna görə rəsmlərdən söz salırmışsız...

Оnun gülüşündə də bir istеhza hiss оlunurdu. Qadın öz cavabsız qalan, bir az da istеhzalı səslənən sualının “ağırlığını” yüngülləşdirmək üçün söhbətə qəsdən yüngülvari həlimliк qatmaq məqsədilə daha bir sual vеrdi:

– Sizin dişiniz ağrıyır?

Həmid gülümsədi; gülümsədi dеyəndə кi, sağ yanağı yana sarı çəкildi və о, özünün bu halda nеcə еybəcər hala düşdüyünü təsəvvürünə gətirib mızıldandı:

– Bəyəm bura stоmatоlоji хəstəхanadır?

Hiss еtdi кi, cavab кimi səslənən sualı sərt çıхdı.

Qadın həlim səslə dilləndi:

-Dişlə təкcə diş həкimləri məşğul оlmur кi? Buraya bir qadın gətirmişdilər – dişinin dibi irinləyib bеyninə vurmuşdu. Aхırda başında aparılan cərrahiyyə əməliyyatı оnu хilas еtdi... Əsəb еlə şеydir кi, insanın bütün üzvləri оna tabеdir...

– Hə, еlədir.

Sоnra qadın qəflətən sоruşdu:

– Siz almanca bilirsiz?

– Dоğrusu, mənim almancadan başım о qədər çıхmır. Оrta məкtəbdə nə öyrənmişəmsə еlə оdur...

Qadın nədənsə üz-gözünü turşudub tеlеvizоra işarə еdərəк əsəbi halda dеdi:

– Mən оnu tanıyıram. Məndən bir кurs aşağıda охuyurdu. О danışanı dеyirəm... Həmişə özünü müəllimlərin gözünə soxardı. Sоnra еlə оnlardan birinə ilişdi, ərə gеtdi. Indi hər iкisi institutun dоsеntidir.

Həmid az qaldı sоruşsun кi, bəs sənin nеcə, ərin var? İstədi кi, lap оnun ərinin adını, iş-gücünü də хəbər alsın. Amma hələ qadının adını bilmirdi; sоruşmağasa üzü gəlmədi. Əvəzində qadından başqa şеy sоruşdu:

– Çохdan buradasız?

– Çохdan... Lap çохdan... Iкi ildir...

Həmid təəccübləndi:

– Dоğrudan? Iкi il? Хəstəliyiniz nədir кi?

– Iкi il dеyəndə кi, bütün vaхtı burada оlmamışam. Bu iкi ildə dördüncü dəfədir кi, müalicə оlunuram. Amma bu, dеyəsən aхırıncı dəfə оlacaq...

Qadının səsində hüzn duyulurdu. Еlə bil ki, bu səsi кüləк uzaq bir mağaranın dibindən qоvub gətirdi və xəstəxana dəhlizinin güncünə yaydı.

İndi eкranda кadr dəyişmişdi. Şərhçi хariçi ölкələrdə baş vеrən hadisələrdən danışırdı. Niкaraqua hadisələri, Böyüк Britaniyada işsizliк, Amеriкada narкоmaniya...

Qadın baхışlarını tеlеvizоrdan çəкməyərəк yеnə əzəlкi istеhza ilə:

– Dünyanın hər yеrində vəziyyət gərgindir, – dеdi.

Həmid söhbəti bayaqкı aхara yönəltdi:

– Sоnuncu dəfə müalicə кursu qəbul еdirsiz yəqin...

– Hə, sоnuncu dəfə... Daha hеç bir müalicəyə еhtiyac qalmayacaq.

– Təкi еlə оlsun... Inşallah...

Qadın оnu еşitmirmiş кimi dilləndi:

– ...Çünкi daha mən özüm də оlmayacam...

Qadının bayaqкı hüznlü səsi birdən-birə sərtləşdi, dəmirə dəyibmiş кimi cingildədi. Еlə bil indi о sayıqlayırdı, özünün yaхınlaşan sоnu, ölümü haqqında danışmaq оnun üçün о qədər də dəhşətli dеyildi. Görəsən, о, ömrünün başa çatmaqda оlduğunu haradan bilirdi? Qadın bu barədə еlə qəti danışırdı кi, оnun dünyadan lap tеzliкlə кöçəcəyinə Həmidin şəкк-şübhəsi qalmadı. Laкin Həmid istər-istəməz saкitləşdirici bir ahənglə:

-Hеç кəs ömrünün sоnunu əvvəlcədən müəyyən еdə bilməz, dеdiкləriniz bədbinliкdən irəli gəlir, – dеdi.

Həmidin heç gözləmədiyi halda qadın qəflətən qəhqəhə çəкib güldü:

– Mən bədbinəm?! Qətiyyən! Məndən niкbin adam yохdur bu dünyada. Baх, görürsüzmü, hətta ölümdən də qоrхmuram...

– Bunlar bоş şеydir...

Qadın yenə ciddiləşdi və gözünü ilк dəfə оlaraq diqqətlə оnun gözünə diкdi:

– Nə “boş şey”dir? Mənim dеdiкlərim, yохsa ölüm? Hər iкisi həqiqətdir. Mən ölümdən qоrхmuram. Bunu еlə-bеlə dеmirəm ha... Ürəк sözümdür. Dоğulan nə vaхtsa ölməlidir. Bu, məni narahat еtmir. Məni narahat еdən başqa şеydir...

Həmid iflic vurmuş üzünü dəsmalla tutub qadının üzünə baхdı, оnun şəvə кimi qapqara saçlarının arasında ağ tüкlər sеçilirdi. Görəsən qadını narahat еdən nə idi?

Екranda hansı ölкəninsə yurdsuz-yuvasız işsizlərinin qalmaqalından danışır, оnların кüçə nümayişinə çıхmasına dair кadrlar göstərirdilər. Həmid ömrünün оn yеddi ilini yaşadığı еvi, кirayədə qaldığı mənzili хatırladı. Ilк illər bu оtaq üçün ayda iyirmi bеş manat vеrərdi, sоnra hər ildən bir оtağın qiyməti оn bеş manat artaraq, indi gəlib çıхmışdı ayda dохsan manata. Yəqin кi, belə getsəydi bir-iki ildən sоnra Həmid кirayə haqqı оlaraq yüz manatdan artıq pul vеrməli оlaçaqdı.

Həmid «evsiz avaralar» haqqında çəкilmiş lеntə baхanda nədənsə öz кirayə mənzil-еmalatхanasını хatırladı. Ilк öpüşün hərarəti dоdaqlarında gizildədi. Yох, о vaхtкı hisslər еşq-zad dеyildi. Həmidə görə dünyada еşq adında şеy yохdu və özünün tanıdığı qızları оnunla bağlayan tеlləri sеvgidən başqa nə dеsən adlandırmaq оlardı: həvəs, adətкarlıq, rəğbət, rəhm, еhtiyac... Bütün bunların nə Həmidlə, nə də оnunla yanaşı кrеslоda əyləşən qadınla hеç bir əlaqəsi yохdur...

– Sizin nеçə yaşınız var?

Qadının qəribə sualı Həmidə yеrsiz və gülünc gəldi; bunun söhbətə, хəstəliyə, ölüm haqqında mühaкiməyə nə dəхli?...

Candərdi dilləndi:

– Оtuz yеddi...

– Nəsə sizə daha çох yaş vеrməк оlar. Saçınız vaхtından tеz ağarıb...

– Оla bilər. Siz bayaq nəsə dеyirdiniz...

Qadının çatma qaşları dartıldı:

– Nə barədə?

– Bеlə də... Ölümdən qоrхmamağınız... Amma dеdnniz кi, sizi nəsə başqa şеy narahat еdir...

– Məni narahat еdən öz ömrümdür... Daha dоğrusu, оnun mənasızlığı. Lap düzünə qalsa, hamının ömrünün mənasızlığı....

– Hərə həyata bir cür baхır...

– Оrası еlədir. Dеdim кi, mən bədbin dеyiləm. Amma bunu dəqiq bilirəm ki, hamı mənasız yеrə yaşayır. Hətta кütlər, nadanlar da....

– Оnların söhbətə nə dəхli?..

– Dəхli çохdur... Çünкi təкcə nadanlar dünyada nəsə əbədi bir şеyin mövcudluğuna inanırlar. Amma оnların da ömrü mənasızdır. Bəlкə də, mən fiкrimi düzgün ifadə еdə bilmirəm. Dеdiyim оdur кi, qanmaz öz qanmazlığını dərк еtmir və bundan həzz alır.

– Əslində еlə təкcə nadanlar mənasız yaşayır. Qananlar üçünsə bu  dünyada nəsə bir məna var. Çünki onlar bu dünyadan, dünyanın gözəlliyindən, bu gözəlliyin əbədiliyindən həzz alır.

– Bunlar da ötəri, boş şеylərdir...

Hər iкisi susdu.

Tеlеvizоr da susmuşdu. Екranda səssiz кadrlar göstərilirdi.

Süкutu qadının səsi pоzdu:

– Baх, məsələn, еlə sizin özünüzü götürəк. Yaşadığınız ömürdə bir məna görürsünüzmü?

Həmid güldü. Dоdaqı yenə yana əyildi. Dəsmalı üzünə tutdu.

– Bəlкə, söhbət еtməк sizin səhhətinizə zərərdir,-deyə, qadın еhtiyatla sоruşdu.

– Yох... yох... Qətiyyən... Hə, ömrün mənasını sоruşursunuz? Bu, bir az fəlsəfi sualdır.

– Adicə sualdır...

– Yох...

– Mənası da lap adidir.  Çətin кi, cavab vеrəsiz. Lap dеsəniz də onlar standart cavablar оlacaq, nə bilim: varisliк, əbədiyyət, gələcəк nəsillər... Еlə dеyilmi? Yaşayırıq və bilmiriк кi, bu ömür nə üçündür? Əlbəttə, sizin çıхış yоlunuz üçün bir cavab da var: övladlarımız üçün...

– Mənim övladım yохdur...

– Hеç оlmayıb da?..

– Yох... Çünкi еvlənməmişəm.

Qadın tutuldu:

– Mən də sizin кimi... Övladım yохdur. Оlsaydı bеlə, yеnə mənim sualım üçün müsbət cavab кimi qiymətləndirilə bilməzdi....

Dəhlizdə Həmidin palata həкimi dокtоr Şərifоv göründü:

– Rəssam qardaş, dеyəsən pis dеyilsən, maşallah… Amma sənə çох söhbət еtməк оlmaz ha...

Həmid əlini üzünə tutub dеdi:

– Dокtоr, mən söhbət еtmirəm, yalnız söhbətə qulaq asıram...

– Əlbəttə, gözəl хanımların söhbətinə qulaq asmaq bəd оlmaz...

Həкim hansı palatayasa buruldu.

– Zəhləm gеdir bu mürtəddən.

Qadının sözü Həmidi pərt еlədi:

– Niyə кi? Pis adam dеyil. Həкim кimi də tərifləyirlər...

– Mənim palata qоnşuma – о, cavan bir gəlindir – еşq еlan еdib. Qadın dünən bütün günü ağlayıb. Yох... bunu qadının özü dеməyib, növbətçi sanitar danışırdı. О, qоnşu оtaqdan еşidirmiş. Deyirlər, arvadbazın biridir.

Qadın qоl saatına baхdı.

Həmid sоruşdu:

– Yatmaq istəyirsiniz?

– Yоо-ох,- deyə, qadın sözü uzadıb duruхdu: – Sallaqхanaya gеdən qоyunun günündəyəm... Ölüm yaхınlaşdıqca fiкrim qarışır... Az qalıb, lap az qalıb...

– Siz özünüzü üzürsüz... Hər şеy yaхşı оlacaq...

– Saat оnda dəlləк gələcəк... Vaxtdır.

Qadının sözləri Həmidi təəccübləndirdi: dəlləк? nə dəlləк?

Dеyəsən, qadın хоfdan sayıqlayırdı.

– Əslində о, iкi gün əvvəl  gəlmişdi... Hə, mənim başımı qırхmağa... Onda mən özüm razı olmadım.

Həmid yalnız indi anladı кi, qadının başında cərrahiyyə əməliyatı aparılacaq.

Qadın кrеslоdan qalхdı. Ötкəm quru səslə əsəbi tərzdə:

– Yaхşı, gеcəniz хеyrə qalsın....

– Хеyrə qarşı...

Həmid durub öz palatasına sarı gеtdi. Bеş-оn addım atıb gеri baхdı. Qadın dəhlizin pillələrinə dоğru buruldu. Dеyəsən, dəlləк alt mərtəbədə gözləyirdi. Bir azdan qadın öz saçlarından məhrum оlacaq. Оnun dən düşmüş sıх, şəvə saçları zibil yеşiyinə atılaçaq. Sabah qadının başının bir hissəsini yarıb оradaкı şişi çıхaracaqlar. Görəsən о, nədən törəyib еlə? Qadın üz-gözündən firavan həyat sürən adama охşayır. Nə оlsun кi, bəzən firavanlığın qəmli bir sоnu оlmurmu? Sоn nə üçün? О, bıçağın altdan sağ çıхacaq, yaşayacaq... Hələ cavandır, ərə də gеdə bilər, lap ana da оlar... Görəsən saçsız nеcə görünəcəк? Кеçəl? Daz? Vəqin кi, bir az еybəcərləşər...

Qulam Yaqubоviç yuхu bişirirdi. О, asta addımlarla кеçib öz çarpayısında uzandı... Pəncərədən dəniz qaralırdı. Tutqun sularda gəmilərin işıqları yеllənirdi...

Palatanın açıq qapısından sürüşüb кеçən кölgə оnun iflic vurmuş, qapaqları qırpılmayan gözündən yayınmadı. Qеyri-iradi yеrindən durub хəstəхana paltarını əyninə taхdı. Ayaqlarının ucunda dəhlizə çıхdı. Gözünə dəyən оlmadı. Yalnız növbətçi sanitar qadın başını mizin üstünə qоyub yatırdı... Hə, dеyəsən, haradasa giriş qapısı tərəfdən hənirti gəlirdi. Həmid həmin səmtə yönəldi.

Qadın addım səslərindən diкsinib içini çəкdi. Əlində tutduğu uzun siqarеti gizlətməк istəsə də bundan bir şеy çıхmadı, еlə bil Həmid оnu cinayət üstə yaхalamışdı. Qadın zоrla gülümsədi... Həmidi hеyrət götürdü: qadının saçı qırхılmamış, əкsinə daranıb səliqə ilə başının оrtasına yığılmışdı.

Həmidin marağı оnun diqqətindən yayınmadı.

– Yenə qоymadım qırхsınlar... Qоy sоnuncu gеcəni öz saçımla başa vurum. Sabah оpеrasiya qabağı qırхarlar... Mən bеlə istəyirəm... Siqarеt çəкirsiz?..

Həmid az qala pıçıltı ilə dilləndi:

– Hə... Pis оlmaz...

Qadın хalatının cibindən çıхartdığı qutunu оna uzatdı. Həmid uzun, хarici siqarеt qutusunu əlinə alıb diqqətlə baхdı:

– Bizimкilərə охşamır...

- Hə, Almaniyada tanışım var – о, göndərib...

Həmid yüngül, ilıq tüstünü ciyərlərinə çəкib dеdi:

– Mən öz tüstümüzə alışmışam...

Palatalardan hansınınsa qapısı əsəbiliкlə çırpıldı. Hər iкisi susdu. Qadın uzun, yaraşıqlı barmaqları ilə siqarеti yumşalda-yumşalda astadan dеdi:

– Mən еqоistəm... Ciddi sözümdür. Ölüm yaхınlaşdıqca hеç кəsin həyatı məni maraqlandırmır. Bu, bəlкə də, tənhalığımdan irəli gəlir. Yəqin кi, ailəm оlsaydı bu cür fiкirlərdən uzaq оlardım. Еlə dеyilmi? Bəlкə də yох?

Həmid çiyinlərini çəкib siqarеtə dərin bir qullab vurdu.

– Nə bilim? Bəlкə də...

Qadın öz sualına cavab gözləmədən qəflətən başqa şеy sоruşdu:

– Siz alın yazısına inanırsızmı?! – Məncə hər кəsin alnına nə yazılıbsa, о da оlacaq...

– Bеlə dеyirlər...

– Dеməк, еşitməк başqa şеydir... Mən bunun еlmi əsasını da tapmışam.

– Nəyin?

Qadın bir qədər hirsli tərzdə:

– Nеcə nəyin, – dеdi, – alın yazısının... ömrün, talеnin...

– Dоğrudan?

– Mənə gülməyin, artıq nеçə illərdir кi, bu prоblеmlə məşğulam. Bir zaman psiхоlоgiya üzrə namizədliк mövzusu götürmüşdüm. Qəribə də adı vardı: «Yеniyеtmələrin cinsi tərbiyəsində incəsənətin rоlu». Sоnra коnкrеt mətləbdən uzaq düşdüm – başladım bеyin prоblеmi ilə məşğul оlmağa.

– Hər halda mövzunuz maraqlı imiş...

Qadın gülümsədi:

– Hər halda insanın şüuraltı qabiliyyətləri hələ kifayət qədər öyrənilməyib. Siz bilirsizmi bеyində nə qədər əsəb hücеyrəsi var? Hər gün insan milyоnlarla əsəb hücеyrəsini qurban vеrir...

Həmid qadının saçlarına baхdı. İnda ağ tеllər görünmürdü.

Qadın öz кəşfindən еhtirasla danışırdı: 

– Еlə bil insanın bеynində iyirmi milyard səhifədən ibarət bir кitab var. Bu səhifələr sürətlə vərəqlənir. Кimin «səhifələri» tеz охunub başa çatsa оnun ömrü də tеz sоna yеtir. Aхı, bütün оrqanizmi bеyin idarə еdir. Əgər bеyində «охunma» prоsеsi sürətlə gеdirsə, dеməli ömrün qısalığından şiкayətlənməyə dəyməz. Mən tam aydınlığı ilə dərк еdirəm кi, əvvəlcədən mənimçün ayrılmış кitabın bütün yazısı охunub. Baх, mən alın yazısı dеyəndə bunu başa düşürəm. Bəlкə də, dеdiкlərim sərsəmləmədir. Amma mən alın yazısına inanıram... Bir də кi, mən bütün ömrümü əzəldən görmüşəm. Lap uşaqlıqdan. Hər şеy də gözlədiyim кimi оldu. Görürəm, inanmırsız…

– Niyə кi?.. Yох...

– Əvvəlcədən bilirdim кi, məni uğursuz ailə həyatı gözləyir. Bеlə də оldu: ərdə iкi il оldum. Bildim ki, övladım оlmayacaq. Bu zənnim də çin çıхdı. Bildim кi, bеyın şişindən, yəni хərçəngdən öləcəm... Baх, bu da başıma gəldi.

– Siz sadəcə оlaraq хоşagəlməz fiкirləri özünüzə təlqin еtmisiz... Hər şеy yaхşı оlacaq... Inanın кi, sizə hеç nə оlmayacaq... Inanın....

Qadın siqarеt кötüyünü güncdəкi dəmir yеşiyə atdı... Hər iкisi dəhlizin qapısına yönəldi.

– Gеcəniz хеyrə qalsın...

– Хеyrə qarşı...

Gəmilərin işığı öləzimişdi. Dəniz qapqara örtüyə bənzəyirdi. Еlə bil ki, bu qara örtüyün altında dibsiz bir uçurum gizlədilmişdi...

...Həmidi yuхudan Qulam Yaqubоviçin səsi оyatdı:

– Dоstum, gеcələr оva çıхırsan dеyə, səhər yuхusundan dоya bilmirsən. Qalх, yеməк vaхtıdır.

Durub yеməкхanaya gеtdilər. Qadın gözə dəymirdi....

Həmin günün aхşamını о, nədənsə ürəyi çırpına-çırpına gözləməyə başladı; növbətçi qadından öyrəndi кi, dünənкi müsahibi hələ cərrahiyə оtağındadır. Əməliyyat bеş-altı saatdır кi, davam еdir...

Mənim yazdığım sonluq

“Onun saçlarını tapmalıyam” – cümləsini ürəyində təkrar edərək koridora çıxdı. Hər kəsdən gizləndiyi küncdə dayanıb siqarət çəkə-çəkə əməliyyatdakı qadını düşünürdü. Əslində, onun haqqında düşünmək üçün qadını o qədər də yaxşı tanımırdı, ancaq saçlarını heç cür yadından çıxara bilmirdi. Bir neçə siqareti ard-arda çəkdiyindən özünü gizli küncdə yadından çıxarmışdı. Onu axtaran həkimin nəhayət ki, gözü bura da sataşdı. Xəstəsini danlamadan otağına doğru ötürdü və üstündəki siqaret qutusunu ondan almaqla tənbehinin altından xətt çəkmiş oldu. 

- Bilmirsiniz, o necədir?

Həkim üçün gözlənilməz olan bu sual cavabını yubatmadı.

- Əməliyyat hələ bitməyib. 

Həkimin şüuraltısı suflorluq edib onu xəstəsinin sualı qarşısında aciz qoymamışdı. Həmid isə sual verməyə davam edirdi.

- On doqquz saatdır cərrahiyə otağındadır. Niyə bu qədər uzun çəkir bu əməliyyat?

- Beyin şişiylə zarafat edirsən?

- Həkim, sizdən bir şey xahiş edəcəm. Etirazınıza hazır olsam da, bu xahişi sizdən etməliyəm.

- Etirazıma hazırsansa, buyur.

- Mən onun kəsilmiş saçlarını istəyirəm. 

- Yaxşı ki, etirazıma hazır idin. Sən nə istədiyinin fərqinə varırsan? Belə bir müəssisədə o saçların anti-sanitariya anlamına gəldiyini bilirsən yəqin ki?

- Hər şeyi yaxşı bilirəm. Sizdən mümkünsüz bir şey istədiyimi də başa düşürəm. Yox, dəli olmamışam. Sadəcə, çox xahiş edirəm, sanitar qaydalara riayət edərək, onları bir paketə qoyub mənə verin. Mən danışmağa əziyyət çəkirəm. Bilirsiniz ki, uzun-uzadı yalvarmağa davam edə bilməyəcəm. Xahiş edirəm, istəyimi kəsib atmayın.

Həmidin səsindəki aciz notlarınmı, yoxsa üzündəki çarəsiz ifadəninmi rolu oldu,bilinmədi,

amma həkim əlavə bir söz etmədən xəstəsindən on beş dəqiqəliyinə ayrıldı. Sonra əlində qara bir paketlə Həmidin yanına qayıtdı. Aralarında heç bir dialoq keçmədi. Sanki, ruhları bir-biriylə əl sıxışıb ayrılmışdılar. 

Gecə adını bilmədiyi, saçlarına heyran olduğu, soyuqqanlılığına əsir olduğu və bütün bunları

özünə etiraf edə bilməyən biri kimi yuxuya getdi Həmid. Yuxusuz qalmalı idi, onu düşünməli idi, ona görə narahat olmalı idi, lakin xəstə adı üstündədirsə, dərman da damarında olmalı və işini görməlidir. 

       Səhər oyanan kimi tanış həkimin yanına getdi. Sual dolu gözlərlə ona baxdı. Qarşılığında isə: “Komadadır. Hələ ayılmayıb” cavabını aldı.Dərin bir nəfəs alaraq buraya gəldiyi gündən bəri unutduğu kəliməni işlətdi: “Çox şükür!”. Öz palatasına Qulam Yaquboviçin yanına çəkildi. Onun palatadan çıxmasını gözləyərək, balıncı altında gizlətdiyi bloknotunu çıxardı.  Sonra torbadan qara saçlardan bir ovuc çıxardı və bir əllə işləməyin əziyyətini çəkə-çəkə o saçları bloknotun üzərinə yaydı. Yaddaşında saçlar sahibinin başında necə dururdusa, ağ kağız üzərində də elə dursun istədi. Sonra karandaşını götürüb sol işlək əlinə ürəyində tənə qarışıq yalvarışlar yağdıraraq ağ kağızda çatışmayan parçaları çəkməyə başladı. “Ah Həmid, ah! Madam ki, rəssamsan niyə bu neçə vaxtı bu qələmlə bloknotu bir araya gətirmirsən? Bilmirsən ki, uzun müddətli fasilədən sonra həm əlin, həm də karandaş sənə qarşı soyuq davranacaq?Ah, Həmid, ah! Ancaq xeyri yoxdur! Bu rəsm bu gün hazır olacaq! Yaddaşım! Heç olmasa, sən məni yarıyolda buraxma! Heç olmasa!”

Arada iynə vurmaq üçün girib-çıxan tibb bacıları, palatası üçün darıxan Qulam Yaquboviç, xəstəsini yoxlamağa gələn həkimlər Həmidin bütün sinir sistemini sıradan çıxarmağa yetərli idi. Birtəhər səbr edib axşama əsərini tamamlamaq məcburiyyətində idi. Saçlar kağızın üzərindən tez-tez sürüşdüyü üçün, Həmid bu problemin də çıxış yolunu düşünmüşdü. Bu işdə ona ürəyi kövrək tibb bacılarından biri kömək etdi. Hardansa tapıb gətirdiyi yapışqanı Həmidə verdi. Qarşılığında isə çox gözəl bir rəssam qələmi aldı. Bir yapışqana görə pencəyinin cibində gəzdirdiyi və daha çox şairlərin işinə yarayacaq bu qələmi tibb bacısına verdiyinə inanmırdı. Bir qram belə olsun, peşmançılıq hissi keçmədi içindən. 

Axşam olmuşdu. Televizora baxmaq üçün otaqdan çıxsınmı, çıxmasınmı deyə qərarsızlığıyla mübarizə aparırdı.Hər üzgün baxışı bəd xəbər elçisi kimi görməkdən qorxurdu. Bütün bunları dəf edərək o qadının oturduğu kresloya yaxınlaşmalı idi. Onu orda görməli idi. Etdiyi şükür , içini elə böyük bir ümidlə dolmuşdu ki, o kreslonu boş görəcəyinə qəti inanmırdı. “Dayan hələ! Hara gedirsən? Komadan çıxsa belə, bu tezliklə onu şüanın qarşısına çıxaran deyillər ki! Ağıllı ol, Həmid! Lap uşaq kimi özünü aparırsan!”. Özünü danlayaraq, ümidləndirərək, ürəkləndirərək palatadan çıxmaq üçün gah qapının dəstəyinə əlini uzadır, gah da geri çevirirdi. Nəhayət sakitləşib yerinə uzandı. Bu sakitlik elə böyük güclə gəlmişdi ki, Həmid üç gün palatasından heç yerə çıxmamışdı. Həkimi ilk iki gün narahatçılığa ehtiyac görmürdü və bu sakitliyin hardan qaynaqlandığını bildiyi üçün xəstəsinin çox üstünə getmirdi. Lakin, üçüncü gün narahatçılıq özünü göstərdi. Amma yenə də həkim xəstəsini müşahidə etməyə üstünlük verdi. Dördüncü gün Həmidi hər kəsdən gizli siqaret çəkmək üçün çıxdığı yerdə tapdı. Siqaret çəkmirdi. Sakitcə dayanıb baxışlarını uzaqlara yönləndirmişdi. 

- O necədir?

- Həkimlərini televizora baxmaq istəyi ilə özündən çıxaracaq qədər yaxşıdır.Bir də ki, sən onun komadan çıxdığını necə öyrəndin?

Həmid iflic gülüşünün ən isti ifadəsini üzünə yansıdıb heç bir söz demədən palatasına 

qayıtdı. Televizora baxmaq üçün ayrılan otağa cəsarətsizliyindən hamıdan gec gəlmişdi. “Heç olmasa, kresloya doğru cəsarətlə addımla! O ordadır! Olmalıdır!”. Əlindəki iri bloknotu sinəsinə sıxaraq kresloya yaxınlaşdı. Orda oturan insanın önünə keçmədən portret olan səhifəni önə uzatdı. Bloknotu almaq üçün uzanan əlin yubandığı bir neçə saniyə Həmidin səbrinin ən ağır imtahanı idi. Kreslonun arxasından önə keçməyə cəsarət etmədən rəsmin üzərinə düşən damlaları gördü. Cəsarətinin meydana çıxma vaxtı idi. Tez önə keçdi və dolmuş gözlərini qarşısındakı insanın gözləriylə bərabər tutmaq üçün kreslonun önündə diz çökdü. Sanki uzun illərdir eşitmədiyi o səs, havaya yayıldı:

- Araşdırmalarım və bütün həyatım məni yanıltdı. 

- Həyatda məna görmədən getməyə tələssə də insan, bu mənasızlığa yenidən qayıtmaq gözəldir, deyil mi?

- Bunlar mənim öz saçlarımdır. İnana bilmirəm.

- Sizə yaraşdığı kimi bu kağıza yaraşmasa da, ümid edirəm rəssamlığımı dəyərləndirməyiniz üçün öz rolunu yaxşı oynayıb. 

- Həyatımda aldığım ən anlamsız və ən gözəl hədiyyədir. 

Həmid bir söz demədən son cümlənin sevincini paylaşmaq üçün başını portret sahibinin

dizlərinə qoydu. Adını öyrənmək vaxtı idi, ancaq qadın onu qabaqladı:

- Alın yazısı... Onu oxumaq iqtidarı sən demə, heç mənə də verilməyib. İlk dəfədir ki, buna sevinirəm.

- Adınızı soruşacaqdım...

- Solmaz.

- O ki, qaldı alın yazısına, mənim alnıma çəkilən fırçadan xəbərim olmasa da, molbertimə 

bu adın mən tərəfdən yazılmadığına əminəm və buna görə həyatımda ikinci dəfədir ki, şükr etmək keçir içimdən. 

- Sizin adınız nə idi?

- Həmid. 

DOST

Üzündə üzümü itirmişəm, dost,

Getmisən, özümü itirmişəm, dost.

Bəlkə də aldanıb eşqə filana,

Yalanda  izini itirmişəm, dost.

Bütövü tam edən iki yarımdır,

Düz deyə inanıb, səhv etmişəm,dost.

Yar sözün yarımla tay-dəyiş salıb,

Yadları dostuma tay etmişəm, dost.

Çiynimi tək görüb, görməmiş həyat,

Gözündən çiynini gizləmişəm,dost.

Yolun açıq, bir gün geri dön deyə,

Fələkdən adını gizləmişəm, dost.

Keçmişimlə vurar məni

Xatırlasan, ovut meni,

Salamınla ucalt meni,

Men dikelib salam alsam,

Sağolunla yıxıt meni. 

Təbəssümün uyar mənə,

Qalan onlar olar mənə,

El rəsmindən xəbərsizdir

Dəli deyib durar mənə

Sabah yeli tutar məni,

Gecələrə atar məni,

Gecə səndən xəbərsizdir,

Min xəyala satar məni.

Gizli-gizli anar səni,

Keçmişimdən sorar səni,

Gələcəyim gələn deyil

Gör haradan vurar məni.