Yenə
illər sonra görərəm səni,
Bir də
aylar dönər unutmaq üçün.
Gözlərim
əzbərdən çəkər rəsmini,
Közərmiş
ocağı qalamaq üçün.
Yolunu
salsaydın sən qışa sarı,
Xəyalım
düşərdi qarda izinə,
Günəşin
üzünü örtsəydin barı,
Qoymazdın
qardan da izin silinə.
Səssizlik
nə yaman sınayır məni!
Tilsimin
qırmağa gücüm qalmayıb.
Həsrətin
də yaman qınayır məni,
Unutdum
deməyə üzüm qalmayıb.
Bir
yad təbəssümdə taparam səni,
Bəlkə
üzüm gülər tanışmaq üçün,
Hər
yadda bir parça saxlaram səni,
Bəlkə
varlığını uzatmaq üçün.
Super!
ReplyDelete